Hashar davom etmoqda

 Xorazm viloyati “Issiqlik ta’minoti” MCHJ jamoasi tomonidan Ramazon hayiti va Navro‘z bayramlarini munosib kutib olish maqsadida mamlakatimiz bo‘ylab “Yurt obodligi, avvalo, mahalladan boshlanadi!” shiori ostida o‘tkazilayotgan umumxalq hashari uyushqoqlik bilan tashkil etildi.

Jamoa a’zolari hududlarni obodonlashtirish, atrof-muhitni tozalash va tartibga keltirish ishlarida faol qatnashdilar. Xodimlar o‘zlari uchun ajratilgan hududdagi temir yo‘l bo‘yidagi yer maydonlarida obodonlashtirish va ko‘kalamzorlashtirish ishlarini amalga oshirib, 900 tadan ortiq manzarali hamda mevali daraxt ko‘chatlarini ekib, ularni oqladilar.

Bunday ezgu ishlar jamoada hamjihatlik va fidoyilik ruhini yanada mustahkamlab, yurtimiz bayramlarini munosib kutib olishga xizmat qilmoqda.